Atvinna

Í Raflandi fæst úrval af raftækjum fyrir heimili, stór og smá, frá þekktum og vönduðum vörumerkjum á borð við LG, KitchenAid, harman kardon, Sonos og fleiri framleiðendum. Við leggjum mikið upp úr því að veita góða og persónulega þjónustu og stefna Raflands er að hjá okkur starfi metnaðarfullt og þekkingarsækið starfsfólk með ríka þjónustulund. Sölufulltrúar okkar fá reglulega vörufræðslufundi til að auka þekkingu og sjálfsöryggi þeirra í starfi.

Hluti af því að skapa vinalegt starfsumhverfi er að hrista reglulega saman starfshópinn og bjóða reglulega upp á alls kyns skemmtun. Starfsmannafélag okkar sér um að skipuleggja fjölda viðburða, t.d. árlega viðburði á borð við glæsilega árshátíð, jólahlaðborð, keilumót, golfmót og fleiri smærri viðburði.

Rafland leggur áherslu á að greiða jöfn laun og veita sömu kjör fyrir sambærilega frammistöðu, óháð kyni, kynþætti eða öðrum órökstuddum viðmiðum.

Við hvetjum öll sem áhuga hafa að koma til starfa fyrir Rafland að senda inn almenna umsókn. Sendu okkur póst á umsokn@rafland.is með ferilskrá og/eða hlekk á Alfreð prófíl og haft verður samband ef starf losnar.