AEG 5000 uppþvottavél sem auðveldar daglegan uppþvott með einföldu prógrammavali og góðum þvottaárangri. Með TimeSelect velur þú hversu hratt uppþvotturinn á að klárast og vélin sér um viðeigandi stillingar.

AirDry opnar hurðina sjálfkrafa undir lok prógrammsins svo loft geti streymt inn í vélina. Þannig þornar leirtauið með náttúrulegu loftflæði og þurrkunin verður allt að þrisvar sinnum betri en þegar hurðin helst lokuð.

AutoSense skynjar hversu óhreint leirtauið er og stillir vatnsnotkun, orkunotkun og lengd prógrammsins eftir þörfum. Fyrir létt óhreint leirtau er hægt að velja 30 mínútna hraðprógramm. ExtraPower eykur þvottakraftinn þegar glíma þarf við erfiðari óhreinindi, en GlassCare veitir glösum viðeigandi meðferð. ExtraHygiene eykur hitastigið í lokaskoluninni til að tryggja betra hreinlæti.

Hægt er að stilla hæð efri körfunnar til að skapa meira pláss fyrir stærri diska og ílát. Vélin lætur einnig vita þegar bæta þarf við salti eða gljáa. Seinkuð ræsing gerir kleift að láta þvottinn hefjast á hentugum tíma.

MachineCare hreinsiprógrammið fjarlægir fitu og kalk sem getur safnast fyrir inni í vélinni. Skolprógrammið hentar þegar vélin er aðeins fyllt að hluta og hjálpar til við að draga úr ólykt þar til komið er að næsta uppþvotti.